Cyfle i athrawon Addysg Grefyddol hunan-arfarnu, cynllunio a hyfforddi yw AtGyfnerthu.  Mae’r rhaglen yn seiliedig ar ysgolion a chaiff ei haddasu ar gyfer anghenion unigol.  Ei phwrpas yw helpu i godi hyder athrawon wrth fynd i’r afael â materion dadleuol, yn enwedig pan ddefnyddir materion o’r fath yn aml i gyfiawnhau eithafiaeth a thrais.

Mae eithafiaeth sy’n seiliedig ar gred yn codi pynciau cynhennus a sensitif iawn ac mae’n faes amserol sydd o ddiddordeb i bawb.  Mae’r rhan fwyaf o bobl ifanc yn ymwybodol fod rhai eithafwyr, drwy gydol hanes, wedi defnyddio dadleuon seiliedig ar gred i gyfiawnhau trais yn erbyn pobl maent yn anghytuno â nhw.  Ond mae’n llai sicr a yw pobl ifanc yn gwybod am y cymhelliant am ymosodiadau o’r fath, neu am agwedd credinwyr prif ffrwd.

Yn Addysg Grefyddol, mae pobl ifanc yn ymchwilio i ffydd, credoau a gwerthoedd ein cymunedau; ond mae codi neu ymateb i gwestiynau am eithafiaeth yn her i hyd yn oed yr athrawon mwyaf profiadol.  Agwedd bwysig o’r pwnc hwn yw cael gwared ar yr anwybodaeth a’r camddealltwriaeth sy’n creu drwgdybiaeth a rhwystrau rhwng cymunedau. Felly’r angen am AtGyfnerthu.

Defnyddiwch yr eitemau ar y ddewislen ar y chwith i fynd trwy’r tudalennau.

Cyflwynir y rhaglen hon gan Gyngor Addysg Grefyddol Cymru a Lloegr, gyda chefnogaeth ADAPGOS (yng Nghymru) a’r DfE (yn Lloegr).

Am ragor o wybodaeth am sut y trefnir AtGyfnerthu, ewch i wefan y Cyngor Addysg Grefyddol.